सरकारले नेपाल आयल निगमलाई ७ अर्ब ऋण दिने भएको छ ।

गत असार ३१ गते बसेको मन्त्रिपरिषद् बैठकले आयाल निगमलाई ऋण उपलब्ध गराउने निर्णय गरेको सरकारका प्रवक्ता तथा सञ्चार तथा सूचना प्रविधि मन्त्री ज्ञानेन्द्रबहादुर कार्कीले बताए । 

इण्डियन आयल कर्पोरेसनलाई भुक्तानी दिने रकम नभएको भन्दै आयल निगमले सरकारसँग सहयोग मागेको थियो ।

सरकारले सहयोग उपलब्ध नगराए इन्धनको आपूर्ति नै प्रभावित हुनसक्ने आयल निगमले बताएको थियो ।

त्यसबाहेक, सरकारले निगमलाई ५९ करोड ८६ लाख, ८० हजार रुपैयाँ अनुदान दिएको छ । इन्धनमा लगाइएको पूर्वाधार करबाट उठेको उक्त रकम आयल निगमलाई अनुदान स्वरुप दिने निर्णय भएको कार्कीले बताए ।