प्यूठानको  स्वर्गद्वारी नगरपालिका ४ स्थित भ्यागुते भन्ने स्थानमा जिप दुर्घटना भएको छ । शनिवार दिउँसो लु ३ च ३५३ नम्बरको बोलेरो जिप दुर्घटनामा हुँदा घटनास्थलमै एक जनाको मृत्यु भएको छ । दुर्घटनामा १५ जना घाइते भएका छन् ।  जिप सवार यात्रीहरू स्वर्गद्वारी दर्शन गरेर फर्किदै थिए । 

दुर्घटनामा परी मायादेवी गाउँपालिका ३ कि ३२ वर्षीय गुडिया ठाकुरको मृत्यु भएको प्रहरीले जनाएको छ । 

प्रहरी कार्यालय प्यूठानमा डीएसपी सत्यनारायण थापाले दुर्घटना १५ जना घाइते भएका जानकारी दिए ।  घाइते सबैको अवस्था गम्भीर रहेको प्रहरीले जनाएको छ । प्रहरीका अनुसार जिप चालक भने सकुशल छन् । घाइतेहरूलाई थप उपचारका लागि बुटवल ल्याउने तयारी भइरहेको छ ।