आतंकवाद विरोधी कानून अनुसार कारवाही प्रक्रिया अगाडि बढेपछि पाकिस्तानका पूर्व प्रधानमन्त्री इमरान खान फरार भएका छन् ।

अन्तर्राष्ट्रिय सञ्चारमाध्यमका अनुसार पूर्व प्रधानमन्त्री खान पाकिस्तानबाट फरार भएर पञ्जाबमा आएर बसेका छन् । पाकिस्तानमा खानलाई पक्राउ गर्ने प्रक्रिया अगाडि बढिसकेको छ । 

हालै आयोजित एक कार्यक्रममा खानले शान्ति भंग गर्ने, न्यायाधीश र प्रहरी अधिकारीलाई धम्क्याउने अभिव्यक्ति दिएपछि उनीविरुद्ध कारवाही थालिएको छ । स्थानीय प्रहरी कार्यालयहरूमा खानविरुद्ध उजुरी दर्ता भइसकेको छ ।

उनी पूर्व प्रधानमन्त्रीसँगै पाकिस्तान तहरीक–ए–इन्साफ (पीटीआई) का अध्यक्ष समेत हुन् । पीटीआईका नेता, कार्यकर्तालाई खानलाई पक्राउ नगर्न सरकारलाई चेतावनी दिएका छन् । खानको निवासमा कार्यकर्ताहरू भेला हुने र सरकारविरुद्ध प्रदर्शन गर्ने तयारी भइरहेको छ ।

खानविरुद्ध अवैध सम्पत्ति आर्जन गरेको आरोपमा समेत छानबिन भइरहेको छ ।