आगामी मंसिर ४ गते हुने संघीय निर्वाचनका लागि नेपाली कांग्रेसका केन्द्रीय सदस्य नैनसिंह महरको नाम कैलाली–४ बाट सिफारिस भएको छ । 

कांग्रेस प्रतिनिधि सभा क्षेत्रीय समिति क्षेत्र नम्बर ४ को बुधबार बसेको बैठकले महरसहित सुनिलकुमार भण्डारी, प्रकाश बम, भोजराज भट्ट, प्रदीपराज जोशी, डा लक्ष्मीराज पाठकको नाम सिफारिस गरेको हो । 

पूर्वमाओवादी तथा हाल नेकपा एमाले केन्द्रीय कमिटी सचिव रहेका लेखराज भट्टले सोही क्षेत्रबाट २०६४, २०७४ मा प्रत्यक्षतर्फ चुनाव जितेका थिए । २०७० सालमा भने कांग्रेस नेता दीर्घराज भाट विजय भएका थिए ।