सर्वोच्च अदालतका निलम्बित प्रधानन्यायाधीश चोलेन्द्र शमशेर जबराविरुद्ध प्रतिनिधि सभाको महाअभियोग सिफारिस समितिले दोस्रो दिनको बयान शुरू गरेको छ ।

संसद सचिवालय सिंहदरबारमा बसेको बिहीवारको बैठकमा चोलेन्द्रको बयान शुरू भएको हो ।

बुधवार झण्डै साढे ३ घण्टाको बयानका क्रममा जबराले सर्वोच्चका न्यायाधीशदेखि राजनीतिक दलका नेताको पोल खोलेका थिए । ज्येष्ठताको आधारमा कांग्रेस सांसद रामबहादुर विष्टले सभापतित्व गरेको बैठकमा चोलेन्द्रसँग ४३ वटा प्रश्नको जवाफ लिइँदैछ ।

बुधवार उनले ४ वटा प्रश्नको जवाफ दिएका छन् भने पाँचौं प्रश्नबाट बिहीवारको बयान शुरू हुँदैछ ।

अदालतमा भ्रष्टाचारलाई संरक्षण गरेको लगायत आरोपमा राणाविरुद्ध फागुन १ गते महाअभियोग दर्ता भएको थियो । त्यसपछि उनी निलम्बित अवस्थामा छन् ।