सरकारले संविधान दिवसको अवसरका दिन विभिन्न उद्योगी व्यवसायीदेखि युवा व्यवसायीसम्मलाई विभूषित गर्ने घोषणा गरेको छ ।

राष्ट्रपतिबाट विभूषित गर्न सरकारले विभिन्न पेशा व्यवसाय र क्षेत्रका व्यक्तिसँगै ६५ जना उद्योगी व्यवसायीलाई समेत विभूषित गर्न लागेको हो ।

सरकारले विभूषित गर्ने घोषणा गरेका व्यक्तिहरूमा उद्योगी व्यवसायीमा चन्द्र ढकाल, पशुपति मुरारका, कुशकुमार जोशी, जगदीशप्रसाद अग्रवाल, मुरलीधर रुङ्गटा, नरेश श्रेष्ठ, सिर्जना राणा, खुमबहादुर सुवेदीदेखि स्व. प्रभाकर शमशेर जबरासम्म परेका छन् । 

विभूषित हुने घोषणा गरिएको उद्योगी/व्यवसायीमा पुराना उद्योगी व्यवसायीदेखि युवा उद्यमी व्यवसायीसम्म परेका छन् । विभूषित हुने घोषणा भएका यी व्यक्तिमा उद्योगी व्यवसायी, पर्यटन व्यवसायी, नेपाल उद्योग वाणिज्य महासंघका पूर्व अध्यक्ष, खुद्रा व्यापार महासंघका अध्यक्ष, युवा व्यवसायीदेखि कृषि उद्यमीसम्म रहेका छन् ।