नेकपा एमालेका महासचिव शंकर पोखरेलले पाँच दलीय गठबन्धनलाई भविष्यको प्रधानमन्त्री को हो भनेर देखाउन चुनौती दिएका छन् । भविष्यको नेता देखाउन नसक्नेले देशको नेतृत्व गर्न नसक्ने उनले दाबी गरे ।

नेपाल प्रहरीका पूर्वमहानिरीक्षकलाई पार्टी प्रवेश गराउने कार्यक्रमलाई बिहीवार सम्बोधन गर्दै महासचिव पोखरेलले गठबन्धनसँग कुनै दृष्टिकोण नभएको आरोप लगाएका हुन् । ‘यो निर्वाचनमा एमालेले आफ्नो अध्यक्षलाई प्रधानमन्त्रीको रूपमा अगाडि सार्दैछ’, पोखरेलले भने, ‘जसले भविष्यको नेता देखाउन सक्दैन, उसले देशको नेतृत्व गर्न सक्छ ? पाँच दलीय गठबन्धनसँग न नीति छ न नेतृत्व ।’

कार्यक्रममा एमाले प्रवेश गरेका खनालले चुनावपछि ओलीको नेतृत्वमा सरकार बन्ने र त्यो सरकारले नेपालीको शीर उँचो बनाउने दाबी गरे ।