‘नवौं राष्ट्रिय खेलकुद प्रतियोगिता–२०७९’ को रनिङ ट्रफी हल्चाेकमा प्रदर्शन

‘नवौं राष्ट्रिय खेलकुद प्रतियोगिता–२०७९’ को रनिङ ट्रफी सशस्त्र प्रहरी बलको प्रधान कार्यालय हल्चोक स्वयम्भूमा प्रदर्शन गरिएको छ । 

राष्ट्रिय खेलकुद परिषदको आयोजनामा असोज २८ गतेदेखि कार्तिक ३ गतेसम्म गण्डकी प्रदेशमा सञ्चालन हुने प्रतियोगिता–२०७९ रनिङ ट्रफी सातै प्रदेश तथा तीन विभागीय टीममा प्रदर्शन गरिने योजना छ । सोहीअनुरुप आइतवार सशस्त्र प्रहरी बलको प्रधान कार्यालयमा प्रदर्शन गरिएको हो । 

कार्यक्रममा महानिरीक्षक राजु अर्यालले एपीएफ क्लबबाट सहभागी हुने सम्पूर्ण खेलाडीहरूलाई उच्च मनोबलका साथ खेल्न निर्देशन दिए । 

खेलकुद प्रतियोगितामा नेपाल एपिएफ क्लवको तर्फबाट ३१ खेल विधामा ५३४ जना खेलाडीहरूको सहभागिता रहने छ ।