देशभर पछिल्लो २४ घण्टामा थप ५४ जनामा कोभिड–१९ संक्रमण पुष्टि भएको छ ।

३ हजार ८२९ जनाको नमूना परीक्षण गरिएको थियो । 

१ हजार ७२९ जनाको पीसीआर र २ हजार १०० जनाको एन्टिजेन विधिबाट परीक्षण गरिएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा ७६ जना कोरोनाबाट मुक्त भएका छन् ।

यससँगै कोरोनाबाट मुक्त हुनेको संख्या ९ लाख ८६ हजार ४९५ पुगेको छ । संक्रमणमुक्त हुने दर ९८ दशमलव ६ प्रतिशत छ । 

हाल सक्रिय कोरोना संक्रमितको संख्या १ हजार १४४ रहेको छ । अहिलेसम्म कोरोनाबाट मृत्यु हुनेको संख्या १२ हजार १६ पुगेको छ । हाल होम आइसोलेसनमा १ हजार ९४, संस्थागत आइसोलेसनमा ५० र आईसीयूमा १२ संक्रमित रहेको मन्त्रालयले जनाएको छ ।  

हाल देशभर २०० भन्दा बढी सक्रिय संक्रमित भएका जिल्लामा काठमाडौं रहेको छ । शून्य संक्रमित रहेका जिल्लामा ताप्लेजुङ, तेह्रथुम, भोजपुर, सिन्धुली, मनाङ, मुस्ताङ, म्याग्दी, हुम्ला, डोल्पा, कालीकोट, रुकुम पश्चिम, जाजरकोट, दैलेख, मुगु, जुम्ला र दार्चुला छन् ।

उपत्यकाको काठमाडौंमा ४५५, ललितपुरमा १६० र भक्तपुरमा २० जना सक्रिय संक्रमित छन् । कूल संक्रमण दर १६ दशमलव ९ प्रतिशत रहेको मन्त्रालयले जनाएको छ ।