मनास्लु हिमालको आधार शिविरमा सोमबार गएको हिमपहिरामा परी मृत्यु भएको शव काठमाडौं ल्याइएको छ ।  सङ्खुवासभाका ३४ वर्षीय अनुप राईको शव हेलिकप्टरमार्फत मंगलबार काठमाडौँ ल्याइएको हो । 

लामो प्रयासपछि राईको शव हेलिकप्टरमार्फत राजधानी पठाइएको जिल्ला प्रहरी कार्यालय गोरखाका प्रहरी नायब उपरीक्षक लिलाराज लामिछानेले जानकारी दिए । 

खोँचमा रहेको शव दिनभरको प्रयासबाट निकालिएको थियो । 

महाराजगञ्जस्थित त्रिवि शिक्षण अस्पतालमा शव परीक्षणपछि अन्त्येष्टिका लागी परिवारको जिम्मा लगाइने प्रहरीले जनाएको छ । उत्तरी गोरखाको मनास्लु आधार शिविरमा सोमबार गएको हिमपहिरामा परेर १३ जना बेपत्ता भएकामा १२ जनाको सकुशल उद्धार गरिएको थियो ।