प्रधानमन्त्री शेरबहादुर देउवाविरुद्ध डडेलधुरामा स्वतन्त्र उम्मेदवारी दिएका सागर ढकालले आफूलाई चुनाव प्रचार–प्रसार गर्न नदिइएको बताएका छन् । 

सोमबार उनले फेसबुक पेजमा स्ट्याटस लेख्दै आफूलाई चुनाव प्रचार गर्न नदिइएको बताएका छन् । 

प्रधानमन्त्री शेरबहादुर देउवाले कानून उल्लंघन गर्दा प्रशासनले आँखा चिम्लिएको तर, आफूलाई भने चुनावी प्रचारको लागि माइकिङ गर्न पनि नदिइएको उनले बताए । 

उनले फेसबुकमा लेखेका छन्, ‘मलाई जोगाइदिनुहोस्– जनता गुहार्नु बाहेक केही बाँकी रहेन । सबै प्रशासन शेरबहादुरको मुनि छ, कुरा गर्नु नगर्नु बेकार छ ।  मलाई अब प्रचार प्रसारमा डडेल्धुरामा रोक लगाइएको छ ।’

हर्क साम्पाङजस्तै माइकिङ गर्न खोज्दा प्रशासनले नदिएको उनले भनेका छन् । ‘शेरबहादुरले खुलमखुल्ला नियम कानून उल्लंघन गर्दा आँखा बन्द गरेको प्रशासन आज मैले हर्क साम्पाङ जस्तो गरी माइकिङ गर्न पनि दिएको छैन । मलाइ रोकेको छ’, उनले भनेका छन् ।