ललितपुरको ३ नम्बर निर्वाचन क्षेत्रको मतगणना शुरू भएको छ ।

निर्वाचन अधिकृतको कार्यालय रहेको जावलाखेलस्थित स्थानीय विकास प्रशिक्षण प्रतिष्ठानमा मतगणना थालनी गरिएको हो । 

ललितपुर महानगरपालिका वडा नम्बर २०, २१ र २२ को प्रतिनिधि सभाको प्रत्यक्ष तर्फको मतगणना शुरू गरिएको निर्वाचन अधिकृत धर्मराज पौडेलले जानकारी दिए ।

मतगणनालाई तीव्र बनाउन ४ स्थानमा गणना गर्ने तयारी गरिएको छ । अहिले १ ठाउँबाट मात्र गणना शुरू गरिएको छ । 

सो क्षेत्रमा गठबन्धनबाट नेकपा माओवादी केन्द्रका पम्फा भुसाल, नेकपा एमालेका अमृत खड्का, राष्ट्रिय स्वतन्त्र पार्टीका डा. तोसिमा कार्कीलगायत प्रतिस्पर्धामा छन् ।