आइतबार सम्पन्न आम निर्वाचनको मतगणना नुवाकोटमा सोमबारदेखि सुरु हुने भएको छ।  दुई प्रतिनिधिसभा र चार प्रदेससभातर्फको मतगणनाको बिहान ८ बजे सर्वदलीय तथा सर्वपक्षीय बैठक बस्ने तय भएको छ । 

सर्वदलीय बैठकपछि प्रत्यक्ष र समानुपातिकतर्फको मतगणना एकै पटक सुरु गरिने मुख्य निर्वाचन अधिकृतको कार्यालयले जनाएको छ । 
नुवाकोटमा एमाले र सत्ता गठबन्धनबीच मुख्य प्रतिस्पर्धा रहेको छ भने राष्ट्रिय स्वतन्त्र पार्टीको पनि बलियो उपस्थिति देखिएको छ।