भारतको राजधानी दिल्लीको स्थानीय निर्वाचनमा आम आदमी पार्टी (आप) ले बहुमत हासिल गरेको छ । 

कुल २५० सीटका लागि भएको म्युनिसिपल कर्पोरेसन अफ दिल्ली (एमसीडी) चुनावमा आपले १३४ सीट जितेर सुविधाजनक बहुमत ल्याएको छ । 

विगत १५ वर्षदेखि एमसीडीमा सत्तारूढ भारतीय जनता पार्टी १०४ सीटका साथ दोस्रो स्थानमा रह्यो । 

आपले पहिलोपटक एमसीडी चुनाव जितेपछि समर्थकहरूले खुशियाली मनाएका छन् । 

आपप्रति भरोसा देखाएको भन्दै दिल्लीका उपमुख्यमन्त्री मनीष सिसोदियाले दिल्लीवासीलाई धन्यवाद दिएका छन् ।