रुसी जलसेनाले क्राइमियाको सेभास्तोपोलमा बिहीवार बिहान युक्रेनी ड्रोन आक्रमण विफल बनाएको दाबी गरेको छ । 

उक्त शहरका गभर्नर मिखाइल राज्भोझाएभले ड्रोन आक्रमणको पुष्टि गरेका छन् । 

उक्त रणनीतिक महत्त्वको बन्दरगाहमा विगतका केही महिनामा यस्तै किसिमका आक्रमण भएका छन् र रुसी अधिकारीहरूले त्यसका लागि युक्रेन जिम्मेवार रहेको बताउने गरेका छन् । 

क्राइमियाको दक्षिणपश्चिम तटमा रहेको सेभास्तोपोलको उच्च रणनीतिक महत्त्व छ । रुसी अधिकारीहरूले त्यसलाई संघीय शहरको विशेष दर्जा दिएका छन् । 

त्यसैले यो शहर भए पनि यसलाई गभर्नरले शासन गर्छन् । रुसमा यस हैसियतका अन्य शहरहरू मस्को र सेन्ट पिटर्सबर्ग हुन् । 

बिहीवार राज्भोझाएभले आफ्नो टेलिग्राम च्यानलमा सानो सन्देश पोस्ट गर्दै लेखे, ‘बिहान रुसको कृष्ण साग बेडाले समुद्रमाथि उडिरहेको एउटा ड्रोन नष्ट गरेको छ ।’

उनले सैनिकहरूको प्रशंसा गर्दै जोखिमलाई व्यावसायिक रूपमा उनीहरूले निस्तेज बनाएको बताए । 

स्थानीय बासिन्दाहरूले शहरको आकाशमा ठूलो आवाज सुनेको भनी सामाजिक सञ्जालमा लेखेलगत्तै गभर्नरको टिप्पणी आएको हो ।