कात्तिक २२, २०८०
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
मंसिर २६, २०७९
कतारमा चलिरहेको फूटबल विश्वकप अहिले सेमीफाइनल चरणमा प्रवेश गरेको छ ।
सेमीफाइनलमा अर्जेन्टिना, क्रोएसिया, फ्रान्स र मोरक्को प्रवेश गरेका छन् ।
सेमीफाइनलमा यी चार टीमबीच भिडन्त होला भनी कमैले मात्र अनुमान गरेका थिए ।
मेसीको लक्ष्य
सेमीफाइनलको कथा लेखिँदा लियोनल मेसीलाई छुटाउनै सकिन्न । अर्जेन्टिनालाई उनले विश्वकप जिताउन सक्लान् त ?
मेसीको करीयर असाधारण किसिमको छ । उनले स्पेनमा १० पटक अनि फ्रान्समा एकपटक लीग उपाधि जितिसकेका छन् भने चारपटक च्याम्पियन्स लीग, सन् २०२१ को कोपा अमेरिका अनि कीर्तिमान सातपटक बालोन डीओर पुरस्कार जितिसकेका छन् ।
तर ब्राजिलका पेले वा अर्जेन्टिनाकै डिएगो म्याराडोना जस्तो गरी मेसीले देशका लागि विश्वकप चाहिँ जित्न सकेका छैनन् ।
अर्जेन्टिनाले विश्वकप नजितेको ३६ वर्ष भइसकेको छ र सन् २०१४ को फाइनलमा पुगेको भए पनि ऊ पराजित भएको थियो ।
म्याराडोनाले हासिल गरेको उपलब्धिलाई दोहोर्याएर मेसीले महानतम फूटबलरको विरासत बनाउन सक्लान् ?
मोरक्कोको चमत्कार जारी रहला ?
मोरक्कोले यस विश्वकपमा इतिहास रचिसकेको छ ।
विश्वकपको सेमीफाइनलमा पुग्ने पहिलो अफ्रिकी अनि मुसलमान बहुल पहिलो अरब मुलुक मोरक्को बनेको छ ।
हुन त मोरक्कोसँग हकिम जियेच र अचरफ हकिमी जस्ता हाईप्रोफाइल खेलाडी छन् । तर एटलस लायन्स धेरैजनाको अपेक्षाविपरीत यहाँसम्म आइपुगेका हुन् ।
क्रोएसिया र बेल्जियम समेत रहेको समूहलाई टपेर उनीहरू राउन्ड अफ १६ पुगेका थिए । त्यहाँ उनीहरूले स्पेनलाई हराए भने क्वार्टरफाइनलमा पोर्चुगललाई पन्छाए । अब उनीहरू थप एक कदम अघि बढ्न चाहन्छन् ।
फौलादी डिफेन्स तथा अथक वर्करेट (बल लिएर दौडिने) का कारण उनीहरू सफल भइरहेका हुन् । यस विश्वकपमा कुनै पनि विपक्षी टोलीले उनीहरूका विरुद्ध गोल गर्न सकेको छैन ।
अनि यस प्रतियोगितामा सबभन्दा धेरै मुखर समर्थकहरू पनि मोरक्कोकै छन् ।
आयोजकहरूले यो विश्वकप कतारको मात्र नभई सम्पूर्ण पश्चिम एसिया तथा मुसलमानहरूको भएको बताउने गरेका छन् । उनीहरूले मंगलवार पनि खुशी हुने अवसर पाउलान् त ?
फ्रान्सले लगातार दुईपटक सफलता पाउला ?
तर मोरक्कोको बाटोमा तेर्सिएको ठूलो चुनौती फ्रान्स हो । ऊ युरोपको उत्कृष्ट टोली हो ।
६० वर्षअघि ब्राजिलले हासिल गरेको उपलब्धि दोहोर्याउनका लागि फ्रान्स आतूर छ । सन् १९६२ मा ब्राजिलले सफलतापूर्वक उपाधि रक्षा गरेको थियो ।
वास्तवमा हालैका वर्षमा उपाधि विजेताहरूले संघर्ष गर्नुपरेको छ । इटली, स्पेन र जर्मनी सबै उपाधि जितेपछि अर्को विश्वकपको पहिलो चरणबाटै बाहिरिएका थिए । तर १२ वर्षदेखिको त्यो अपशकुनलाई फ्रान्सले चिरेको छ र टोली ऊर्जावान देखिएको छ ।
शनिवार क्वार्टरफाइनलमा इंग्ल्यान्डलाई हराएर फ्रान्स सन् १९९८ को ब्राजिल जस्तै सेमीफाइनलमा पुग्ने साबिक विजेता बनेको छ ।
व्यवस्थापक डिडिएर दिशँप चाहिँ अहिले मोरक्कोमा सम्पूर्ण ध्यान केन्द्रित गरिरहेका छन् ।
क्रोएसियाले इतिहास दोहोर्याउला ?
यसपालिको विश्वकप फाइनलमा पनि अघिल्लोकै जस्तो स्थिति आउन सक्छ । फ्रान्सले मोरक्कोलाई अनि क्रोएसियाले अर्जेन्टिनालाई हराएमा सन् २०१८ कै विश्वकप फाइनलको पुनरावृत्ति हुनेछ ।
अविश्वसनीय रूपमा उत्थानशीलता देखाएर क्रोएसिया अन्तिम चारमा पुगेको छ ।
उसले राउन्ड अफ १६ मा जापान अनि क्वार्टरफाइनलमा ब्राजिललाई पेनाल्टी शूटआउटमा हराएर सेमीफाइनलमा स्थान सुरक्षित गरेको हो ।
क्रोएसियाले विश्वकपको नकआउट खेल ९० मिनेटभित्र जितेको २४ वर्ष भइसकेको छ । सन् १९९८ को क्वार्टरफाइनलमा उसले जर्मनीलाई ३–० ले हराएको थियो ।
क्रोएसियाको मिडफील्डका जादूगर लुका मोड्रिच ३७ वर्षको भइसकेका छन् । तर उनको टोली अतिरिक्त समयसम्म पुग्नुपरेको भए पनि मोड्रिच थाकेकै देखिँदैनन् ।
सन् २०१८ को विश्वकपमा अर्जेन्टिना समूह चरणमा क्रोएसियासँग ३–० ले पराजित भएको थियो । यस विश्वकपमा पनि उसले क्रोएसियालाई हलुकामा लिने भूल गर्न पाउँदैन ।
नेपालले एसीसी यू–१९ एसिया कपमा बलिया टोली भारत, पाकिस्तान र अफगानिस्तानजस्ता बलिया प्रतिद्वन्द्वी पाएको छ । एसियन क्रिकेट परिषद् (एसीसी)ले बुधवार सार्वजनिक गरेको तालिकाअनुसार समूह ‘ए’म...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
राष्ट्रिय खेलकुद परिषद्का पूर्व सदस्य सचिव युवराज लामाले खेलकुद मेडल जित्नको लागि मात्रै नभएर राष्ट्र र राष्ट्रियताको लागि पनि हुनुपर्ने बताएका छन् । जापान गोजुरियो कराँते डो. मिसन संघ नेपाल केन्द्रीय समितिले ...
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...