नेकपा एकीकृत समाजवादीको संसदीय दलको नेतामा पार्टी अध्यक्ष माधवकुमार नेपाल चयन भएका छन् । सोमवार एकीकृत समाजवादीको पार्टी कार्यालयमा बसेको संसदीय दलको बैठकले नेपाललाई सर्वसम्मत दलको नेता चयन गरेको महासचिव बेदुराम भुसालले जानकारी दिए । 

बैठकले संसदीय दलको उपनेतामा राजेन्द्र पाण्डेलाई चयन गरेको छ भने प्रमुख सचेतकको जिम्मेवारी प्रकाश ज्वालाले पाएका छन् । 

माधव नेपालले रौटहट–१ चुनाव जितेका  थिए । राजेन्द्र पाण्डेले धादिङ–२ र प्रकाश ज्वाला सल्यानबाट प्रतिनिधिसभा सदस्यको चुनाव जितेका थिए । 

प्रतिनिधिसभामा एकीकृत समाजवादीले प्रत्यक्षतर्फ १० सिट जितेको छ । प्रतिनिधिसभामा एकीकृत समाजवादी सातौँ स्थानको राजनीतिक दल हो ।