नेकपा एमालेको लुम्बिनी प्रदेश संसदीय दलको नेतामा लिला गिरी चयन भएका छन् । आइतवार प्रदेशको राजधानी भालुवाङमा बसेको संसदीय दलको बैठकले गिरीलाई दलको नेता चयन गर्ने निर्णय गरेको हो ।

यसअघि महासचिव शंकर पोखरेलले चेतनारायण आचार्यलाई दलको नेता बनाउन निकै जोडबल गरेका थिए । यता एमाले उपाध्यक्ष विष्णुप्रसाद पौडेलले भने गिरीलाई संसदीय दलको नेता बनाउन लबिङ गरेका थिए । 

संसदीय दलको बैठकमा बैठकमा महासचिव पोखरेल र छविलाल विश्वकर्मा पनि सहभागी थिए ।

गिरी लुम्बिनीको मुख्यमन्त्रीका प्रमुख दाबेदार हुन् । दलीय भागबण्डामा लुम्बिनी एमालेको भागमा परेको खण्डमा उनी मुख्यमन्त्री बन्ने छन् ।

रुपन्देहीको क्षेत्र नं. २ (१) बाट लुम्बिनी प्रदेशसभामा दोस्रो पटक निर्वाचित गिरीले तत्कालीन मुख्यमन्त्री शंकर पोखरेल नेतृत्वको सरकारमा उद्योग, पर्यटन, वन तथा वातावरण मन्त्रालय सम्हालेका थिए । हाल उनी एमाले पोलिटब्युरो सदस्य तथा लुम्बिनी प्रदेश सह–इन्चार्जको भूमिकामा छन् ।