नेकपा एकीकृत समाजवादीको पोलिटब्यूरो बैठक शुरु भएको छ । सरकारमा प्रवेश, कम्युनिष्ट पार्टीसँग मिलेर जानेसहितका विषयमा भएको छलफललाई टुंगो लगाउन दोस्रो पनि समाजवादीको बैठक बसेको हो । 

स्थायी कमिटीको बैठकले यी विषयमा निर्णय लिन नसकेपछि समाजवादीले यो विषयलाई पोलिटब्यूरो बैठकमा लगेको हो । पहिलो दिनको बैठकमा सदस्यहरूले सरकारमा सहभागी हुने विषय, वाम दलबीच सहकार्यको विषयसहितमा मिश्रित धारणा राखेका थिए । कतिपय सदस्यले सरकारका जानुपर्ने, कम्युनिष्ट दलबीच मिलेर अघि बढ्नुपर्ने पक्षमा मत राखेका छन् । कतिपयले तत्काल सरकारमा जाने विषयमा निर्णय लिन नहुने विचार पनि राखेका थिए । 

कांग्रेससँगको गठबन्धन भत्किएपछि समाजवादी दोधारमा देखिएको छ । प्रचण्ड नेतृत्वको सरकारमा जाने कि बाहिरै बसेर रचनात्मक दबाब बढाउने भन्नेमा पार्टी टुंगोमा पुग्न सकेको नसकेको हो । 

प्रेम आले, किसान श्रेष्ठसहितका नेता सरकारमा जानुपर्ने पक्षमा छन् । तर, माधव नेपाल, झलनाथ खनालसहितका नेताले अहिलेको सरकार खिचडी देखिएको भन्दै तत्काल सरकारमा जाने विषयलाई प्राथमिकता राखेका छैनन् । खनालले सोमवारको बैठकमा अहिलेको सरकारमा सहभागी दलको हुलियालाई हेर्दै खिचडी सरकारको संज्ञा दिएका थिए । बरु कम्युनिष्ट दलबीच विश्वासको वातावरण बनाउँदै अघि बढ्ने विषयमा उनीहरूले मत राखिरहेका छन् ।