लोकतान्त्रिक समाजवादी पार्टी (लोसपा) नेपालले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारलाई विश्वासको मत दिने सम्बन्धमा निर्णय गर्ने अधिकार पार्टी अध्यक्ष महन्थ ठाकुरलाई दिने निर्णय गरेको छ ।

पार्टी केन्द्रीय कार्यालय बबरमहलमा आइतवार बसेको लोसपाको कार्यकारिणी समितिको बैठकले प्रधानमन्त्री दाहाललाई विश्वासको मत दिनेबारे निर्णय गर्ने अधिकार अध्यक्षलाई दिएको हो । 

पुस १० गते प्रधानमन्त्री नियुक्त भएका दाहालले पुस २६ गते प्रतिनिधि सभाबाट विश्वासको मत लिँदैछन् । लोसपाको प्रतिनिधि सभामा ४ सांसद छन् ।

लोसपाका कार्यकारिणी सदस्य केशव झाका अनुसार बैठकले मधेश प्रदेशको संसदीय दलको संशोधित विधान अनुमोदन गरेको छ । संगठन विस्तारको कामलाई यथाशीघ्र अगाडि बढाउने निर्णय भएको छ ।