सन्दीप लामिछानेले दर्ता गरेको पुनरावेदनमा सर्वोच्च अदालतमा सुनुवाइ शुरू भएको छ। 

उच्च अदालत पाटनले २० लाख रुपैयाँ धरौटीमा सन्दीपलाई रिहा गरेको थियो। साथै उनलाई विदेश जान रोक लगाउन पनि उच्च अदालत पाटनले भनेको थियो। 

यूएईमा हुने त्रिकोणात्मक श्रृंखला खेल्ने नेपाली टोलीमा आफ्नो नाम नअटाएपछि सन्दीपले सर्वोच्चमा निवेदन दिएका थिए। 

उनको मुद्दा सर्वोच्च अदालतका न्यायाधीश ईश्वरप्रसाद खतिवडाको इजलासमा परेको छ। 

सन्दीपले उच्च अदालतको आदेशविरुद्ध अल्पकालीन अन्तरिम आदेश माग गरेका छन् ।

काठमाडौं जिल्ला अदालतले पुर्पक्षका लागि थुनामा पठाएकामा उच्च अदालतले भने २० लाख रुपैयाँ धरौटीमा छाड्ने आदेश दिए पनि उनलाई विदेश जान भने रोक लगाइएको थियो ।

तर भर्खरै नेपालमै भएको आईसीसी लिग २ मा भएका चारै खेलमा नेपालले जित शानदार जित हात पार्दा सन्दीप सबै खेलमा नायक घोषित भएका थिए। 

नेपाली टोली प्रतियोगिताअन्तर्गत अर्को त्रिदेशीय शृंखला खेल्न शनिबार यूएई जाने कार्यक्रम छ। उक्त टिममा नअटेका सन्दीपलाई अदालतको आदेशअनुसार टोलीमा समावेश गर्न नसकिएको क्यानले जनाएको थियो।