नेकपा एमालेका अध्यक्ष केपी शर्मा ओलीले बाटोमा राखिएको ठेलागाढाको मकै किनेर खाएका छन्। 

शुक्रबार ललितपुरको च्यासलस्थित पार्टी केन्द्रीय कार्यालयबाट फर्किने क्रममा उनले स्कुल छुटेर फर्किँदै गरेका विद्यार्थीहरूसँग बसेर मकै खाएका हुन्। 

मकै किनेर खाएको तस्वीर सामाजिक सञ्चालमा राख्दै उनले लेखेका छन्- पार्टी कार्यालयबाट घर फर्कंदै थिएँ, बाटोमा स्कूल छुटेर फर्किंदै गरेका नानीबाबूहरूसँग रमाइलो भेट गर्ने अवसर मिल्यो। नजिकै एकजना बहिनी मकै पोलेर बेचिरहनु भएको रैछ, पोलेको मकै खाएँ । एकदम मज्जा लाग्यो।'

आज ओली पार्टीनिकट नेपाल खेलकुद महासंघको नवनिर्वाचन केन्द्रीय कमिटीको सपथ ग्रहणमा  पार्टी कार्यालय च्यासल पुगेका थिए।