सांसद रामहरि खतिवडाले देशका विभिन्न स्थानमा हुने सडक दुर्घटनाको घाइतेको सबै उपचार सरकारले बेहोर्नुपर्ने बताएका छन् ।

प्रतिनिधिसभाको बैठकमा खतिवडाले थोत्रा बस र बीमा नहुँदाको अवस्थामा घाइतको बिचल्ली हुने गरेको भन्दै उनले सरकारको ध्यानाकर्षण गराए।

‘बस पुराना छन् । बीमाको व्यवस्था छैन । बस धनी पनि सम्पर्कमा आउँदैनन् । वीर, शिक्षण अस्पतालमा उपचार गर्न पैसा नपाएर छटपटिनुपर्ने अवस्था छ’, खतिवडाले भने, ‘यसर्थ बसमा चढ्नेलाई बिमाको अनिवार्य व्यवस्था गरियोस् ।'

जति पनि दुर्घटना हुन्छन् यिनीहरूको उपचार गर्ने व्यवस्था सरकारले गर्नुपर्ने व्यवस्था मिलाउन उनले अनुरोध गरे।

शिक्षा र स्वास्थ्यलाई सुलभ बनाउन उनले माग गरे।

पहुँचवालालाई उपचार खर्चका नाममा जति पनि बाँड्ने तर नागरिकले उपचार नपाउनु बिडम्वनापूर्ण रहेको उनले बताए ।