आईएमई लिमिटेड तथा आईएमई डिजिटल सोलुसन लिमिटेडका साझेदार मित्रहरू (एजेन्टहरू) मार्फत अब हवाई यात्रुहरूले सजिलै अन्तर्राष्ट्रिय हवाई टिकट काट्न पाउने भएका छन् ।

यस सेवा मार्फत देशभरि छरिएर रहेका आईएमईका हजारौँ साझेदार मित्रहरूसँग (एजेन्ट्स) यात्रुहरूले सुपथ मूल्यमा अन्तराष्ट्रिय हवाई टिकट खरिद गर्न सक्नेछन् ।

यसका साथै साझेदार मित्रहरूले आफ्नो ‘आईएमईएजेन्ट पोर्टल’ मार्फत नै अन्तर्राष्ट्रिय हवाई टिकटको मूल्य, उडानको तालिका हेर्न तथा तुलना गर्न सक्ने व्यवस्था मिलाइएको छ । 

यस सेवामार्फत समग्र पर्यटन उद्योगको विकास तथा प्रर्वद्धनमा टेवा पुग्ने विश्वास आईएमई ग्रुपले लिएको छ।