विराटनगर महानगरपालिकाले क्रिकेट खेलाडी ललितनारायण राजवंशी र दीपेश कँडेललाई बिहीवार नगदसहित सम्मान गरेको छ । 

विराटनगरस्थित शहीद रंगशालामा विराट गोल्डकप फूटबल प्रतियोगिताको समापन समारोहमा दुवै जनालाई जनही १ लाख १ हजार रुपैयाँ तथा प्रमाणपत्रद्वारा सम्मान गरिएको हो ।

कोशी प्रदेशका सामाजिक विकासमन्त्री बुद्धिकुमार राजभण्डारी र महानगरका प्रमुख नागेश कोइरालाले उनीहरूलाई सम्मान गरेका हुन् ।

सो अवसरमा मन्त्री राजभण्डारीले खेलाडी मुलुकको गौरव भएकाले उनीहरूको संरक्षण गर्नु सरकारको दायित्व भएको बताए ।