काठमाडौं -महिन्द्राले एक्सयूभी ३०० ब्रान्डलाई नयाँ भेरियन्टमा पुनः नेपाली बजारमा भित्र्याएको छ । यसको सुरुआती मूल्य ४२ लाख ९५ हजार रहेको कम्पनीले जनाएको छ । 

कम्पनीका अनुसार एक्सयूभी ३०० को टरेबोस्पोर्ट भेरियन्टका भित्रिएको गाडीमा १३० हर्सपावर र २३० एनएम टर्क रहेको छ । यो गाडीले विश्वव्यापी एनसीएपी टेस्टमा फाइभ स्टार सुरक्षा मूल्यांकन प्राप्त गरेको कम्पनीले जनाएको छ ।

शक्तिशाली इन्जिन, उन्नत सुविधाहरू र स्टाइलिश डिजाइनको साथ एक्सयूभी ३०० ले नेपाली ग्राहकहरूलाई असाधारण ड्राइभिङ अनुभव प्रदान गर्ने जनाएको छ । 

यसमा शीर्ष–अफ–द–लाइन डब्ल्यु ८ भेरियन्टले सनरुफ, लेदरको सिट र डुअल–जोन अटोमेटिक क्लाइमेट कन्ट्रोल प्रदान गर्न कम्पनीले जनाएको छ । यो गाडी पेट्रोल म्यानुएल इन्जिन र नौवटा फरक रंगमा उपलब्ध छ । कम्पनीले नयाँ ग्राहकहरूलाई यसको डब्लू फोर भेरियन्ट २०१९ कै मूल्यमा उपलब्ध गराउने जनाएको छ ।

चारवटा भेरियन्टमा उपलब्ध एक्सयूभी ३०० को डब्लू ४ भेरियन्टको मूल्य ४२ लाख ९५ हजार, डब्लू ६ भेरियन्टको मूल्य ४९ लाख ९५ हजार, डब्लू ८ को मूल्य ५७ लाख ५० हजार र डब्लू ८ ओ को मूल्य ६० लाख रहेको छ ।