नेपालमा पछिल्लो २४ घण्टामा थप एक कोरोना संक्रमितको मृत्यु भएको छ । 

स्वास्थ्य तथा जनसंख्या मन्त्रालयकाअनुसार उपचारका क्रममा शनिबार उनको मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या १२ हजार ३० पुगेको छ ।

मन्त्रालयले दिएको जानकारीअनुसार शनिवार एक हजार दुई सय ३८ जनामा गरिएको परीक्षणमा ५१ जनामा कोरोना संक्रमण पुष्टि भएको छ । 

यस्तै ३५ जना उपचारपछि निको भएर घर फर्किएका छन् । सक्रिय संक्रमित तीन सय ६१ जना छन् । 

यस्तै संस्थागत आइसोलेसनमा २७, सघन उपचार कक्ष (आइसीयू) मा आठ र भेन्टिलेटरमा एक जना उपचारत रहेका मन्त्रालयले जनाएको छ ।