भारतको उत्तर प्रदेशमा भएको निकाय चुनावअन्तर्गत नगर निगमको शुरूआती मतगणनामा भारतीय जनता पार्टी (भाजपा) ले कब्जा जमाएको छ ।

नगर निगमका १७ सिटमध्ये १६ सिटमा भाजपाले अग्रता लिएको छ भने १ सिटमा बहुजन समाजवादी पार्टी (बसपा) अगाडि देखिएको छ ।

राष्ट्रियस्तरमा भाजपाको प्रतिस्पर्धी दल कांग्रेस शून्यमा छ । निकाय चुनावअन्तर्गत उत्तर प्रदेशमा २ चरणमा नगर निगम, नगरपालिका र नगर पञ्चायतको चुनाव भएको थियो । शनिवार मतगणना भइरहेको छ ।

मतगणनामा उत्तर प्रदेशका मुख्यमन्त्री योगी आदित्यनाथको जादु देखिएको छ । योगी प्रदेशको राजधानीमा आएपछि त्यहाँ लगातार भाजपाले सरकार चलाउँदै आएको छ ।