राष्ट्रिय स्वतन्त्र पार्टी (रास्वपा) ले पार्टीको नीति, विचार र सिद्धान्तसम्बन्धी दस्तावेजलाई अन्तिम रूप दिन १७ सदस्यीय कार्यदल गठन गरेको छ ।

पार्टीका महामन्त्री डा. मुकुल ढकालको नेतृत्वमा कार्यदल बनाइएको सहमहामन्त्री कविन्द्र बुर्लाकोटीले जानकारी दिए । उनका अनुसार आन्तरिक छलफलका लागि तयार पारेको दस्तावेजलाई अझै स्पष्ट बनाउन पदाधिकारी सहितको कार्यदल बनाइएको हो । 

कार्यदलमा पदाधिकारीबाट महामन्त्री डा. ढकाल र सहमहामन्त्री बुर्लाकोटी रहेका जनाइएको छ । अन्य सदस्यबारे निर्णय हुन बाँकी रहेको बुर्लाकोटीले जनाइएको छ । 

दस्तावेजमाथि पटक–पटक छलफल गरेर भदौको मध्यसम्म अन्तिम रूप दिने तयारी रहेको पार्टीले जनाएको छ ।