नेपाल आयल निगमले भारतको कलकत्तामा भन्दा नेपालमा हवाई इन्धनको मूल्य सस्तो रहेको जनाएको छ । निगमले मंगलबार जारी गरेको विज्ञप्तिअनुसार कलकत्ताको बिक्री मूल्यको तुलनामा काठमाडौँमा बिक्री गरिने हवाई इन्धन आन्तरिकतर्फको बिकी मूल्य कम रहेको छ ।

कलकत्ताको तुलनामा काठमाडौँमा प्रति लिटर ०३.६९ रुपैयाँले आन्तरिकतर्फको हवाइ इन्धन सस्तो रहेको निगमको विज्ञप्तिमा उल्लेख छ।  

निगमका अनुसार मंगलबार राति १२ बजेदेखि लागू हुने गरी हवाई इन्धन आन्तरिकतर्फको साविकको बिक्री मूल्य प्रति लिटर रु १० घटेको छ । यस्तै अन्तर्राष्ट्रियतर्फको साविक बिक्री मूल्य प्रति किलो लिटर अमेरिकी डलर २०० घटेको छ ।