सिरहा जिल्लाको नवराजपुर गाउँपालिका–५ देवनगर र झाँझपट्टीको सीमा क्षेत्रबाट सशस्त्र प्रहरी बलले अवैध रूपमा भारत निकासी गर्न लागेको १३४ कार्टुन स्याउसहित एउटा मिनिट्रक नियन्त्रणमा लिएको छ ।

नेपालबाट भारततर्फ जाँदै गरेको स१ख ६०० नम्बरको स्याउसहितकोे ट्रक प्रस्तावित सीमा सुरक्षा गुल्म इनर्वा, बीओपी नवराजपुर र सुरक्षा बेश सुखीपुरले संयुक्त रूपमा नियन्त्रणमा लिएको हो ।

ट्रकका चालक भने सशस्त्र प्रहरीको टोलीलाई देख्नासाथै ट्रक छाडी फरार भएका थिए ।

बरामद स्याउ तथा ट्रकको मूल्यांकन ३० लाख ३६ हजार रुपैयाँ कायम गरी आवश्यक कारबाहीका लागि  ठाडी भन्सार कार्यालय ठाडी सिरहामा बुझाइएको सहायक प्रवक्ता डीएसपी शैलेन्द्र थापाले जानकारी दिए ।