कात्तिक १७, २०८०
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
काठमाडाैं | साउन २१, २०८०
नौ वर्षअगाडि जम्मा १० कम्पनीका बसको टिकट अनलाइनमार्फत् दिनेगरी सेवा शुरू गरेको बससेवासँग अहिले ३०० भन्दा बढी कम्पनी जोडिएका छन् । २१ साउन २०७१ बाट औपचारिकरूपमा सार्वजनिक यातायातको अनलाइन टिकटिङ शुरू गरेको बससेवा आजैबाट १०औं वर्षमा प्रवेश गरेको छ । यो अवधिमा बसेवामार्फत् टिकटिङले डिजिटल फड्को मारिसकेको छ ।
पछिल्लो नौ वर्षमा बसको अनलाइन टिकटिङमा बढेको विश्वास, प्रविधिको प्रयोग र यात्रुको सहजताका कारण अहिले दैनिक सरदर ३ हजार यात्रुले अनलाइन सेवा लिन थालिसकेका छन् ।
बससेवासँग आबद्ध सार्वजनिक सवारीमा दैनिक ३५ हजार सीट उपलब्ध छन् । उपलब्ध सीटमध्ये बससेवाको प्लेटफर्मबाट दैनिक १० प्रतिशत मात्रै टिकट बिक्री हुन्छ । यसलाई शतप्रतिशत पुर्याउने लक्ष्यका साथ बससेवाले काम गरिरहेको छ ।
सबैलाई अनलाइनबाटै टिकट दिलाउने लक्ष्यका साथ अगाडि बढेको छ, बससेवा । आगामी ५ वर्षभित्रमा दैनिक २० हजार टिकट अनलाइबाटै कटाउने विश्वासका साथ बससेवाले काम गरिरहेको छ ।
बससेवाको माध्यमबाट शुरू भएको अनलाइन टिकटिङका कारण यात्रुलाई बस काउन्टरमा गएरै टिकट काट्नुपर्ने झञ्झट अन्त्य भएको छ ।
समयको बचत, रोजेकै टिकट छानीछानी लिन पाउने सुविधासहित यात्रुलाई प्रविधिको प्रयोगमा अभ्यस्त बनाउन सकिएको बससेवाका प्रमुख कार्यकारी अधिकृत (सीईओ) पीआर खनाल बताउँछन् ।
अनलाइनबाट टिकट दिन थालेपछि यात्रुलाई सहज मात्रै भएको छैन, यातायात सेवालाई नै रूपान्तरणतर्फ लगेको बससेवाले गरेको छ ।
‘यात्रुहरू अगाडिको सीट पाउन बसपार्कमै जानुपर्ने, टिकटको बूकिङ खुल्यो भनेपछि दौडिएर काउन्टरसम्म धाउनुपर्ने बाध्यता अन्त्य भएको छ,’ खनालले भने, ‘अहिले त काउन्टरमा गएर पनि रोजेको टिकट पाइने ग्यारेन्टी हुन्न, बरु अनलाइनबाट लिँदा रोजेर उपयुक्त सीट लिन सकिने अवस्था छ ।’
पछिल्लो समय काउन्टरमा भीड घटेको मात्र नभई समग्र यातायात सेवाको सिस्टम नै परिवर्तनतर्फ गएको दाबी खनालले गरे ।
काठमाडौंबाट छुट्ने सबैजसो रुटमा बससेवाबाट टिकट काट्न सकिने अवस्था छ । साथै, सबै प्रमुख शहर जोड्ने माध्यम पनि बससेवा बन्न सकेको छ । हाल बससेवबाट मुलुकभरका २ सयवटा गन्तव्यका लागि मोबाइलबाटै टिकट लिन सकिने सुविधा पुगेको छ ।
सम्पूर्ण यातायात प्रणाली डिजिटल भइनसके पनि टिकटिङ प्रणालीलाई डिजिटल बनएको जस बससेवाले पाउन थालेको छ ।
यात्रुले जहाँबाट टिकट लिए पनि अनलाइनबाटै हुन्छ, चाहे सम्बन्धित बसको काउन्टरमा पुग्नु वा मोबाइल एपमा । स्मार्ट मोबाइलको प्रयोगसँगै युवापुस्तामा अनलाइन टिकटिङप्रति विश्वास समेत बढ्दै गएको छ । पुरानो पुस्ताको तुलनामा प्रविधिको प्रयोग गर्ने युवापुस्ता नै बढी छन् । युवापुस्तासम्म विभिन्न माध्यमबाट प्रविधिको प्रयोग र जानकारी छिटो पनि पुग्छ ।
मानिसहरूको व्यस्त दैनिकीका कारण टिकट लिन सम्बन्धित बसको काउन्टरमै जानुभन्दा अनलाइनबाट लिन सजिलो, छिटो र सहज हुन्छ । यसलाई बुझ्ने यात्रुले अनलाइन नै प्रयोग गरेका छन् ।
अनलाइनको प्रयोग गरेर टिकट लिने यात्रु वार्षिक दोब्बर संख्याले बढ्दै गएको बससेवाका सीईओ खनालको भनाइ छ ।
बससेवाले अनलाइनबाट टिकट लिएका यात्रुका लागि यात्रु प्रतिक्षलय समेत निर्माण गरेर सेवा दिइरहेको छ । काठमाडौैंबाट बाहिरिने यात्रुका लागि कलंकीमा यात्रु प्रतिक्षालय स्थापना गरिएको छ ।
यस्तो यात्रु प्रतिक्षालय विस्तारै बढाउँदै जाने योजनामा बससेवा छ । प्रतिक्षालय अनलाइन र काउन्टर दुवैतिरबाट टिकट लिने यात्रुले प्रयोग गरिरहेका छन् । यसले सबैलाई सहज भएको छ ।
काउन्टरबाट टिकट जाँदा अगाडिको टिकट छिटो बिक्री हुने गरेको थियो भने अनलाइनबाट बीचको सीट प्राथमिकतामा पर्ने गरेको छ । शायद बीचमा बस्दा बसमा भएको टेलिभिजन हेर्न कम्फर्ट भएको हुनाले पनि यात्रुहरूले बीचको सीट बढी रोजेको हुनसक्ने खनालको बुझाइ छ ।
अनलाइनबाट टिकट उपलब्ध गराएबापत बससेवाले यात्रुबाट अतिरिक्त सेवा शुल्क भने लिँदैन । काउन्टरमा जाँदा जति शुल्क पर्छ त्यही शुल्कमा अनलाइनबाट टिकट काट्न पाइन्छ ।
अनलाइन सेवाको प्रवर्द्धन गर्न क्यासब्याक तथा विभिन्न अफर आइरहने भएकाले यात्रुलाई घरमै बसेर मोबाइलबाटै टिकट काट्नुमा बढी फाइदा रहेको पनि बससेवाका सीईओ खनाल बताउँछन् ।
बसका यात्रुलाई सामान्य अवस्थामा भन्दा सडकमा समस्या उत्पन्न भएका बेला तथा चाडबाडको समयमा टिकट पाउन गाह्रो हुने गरेको छ । तर बस सेवाले यो समस्या पनि अन्त्य गरिदिएको छ ।
सार्वजनिक सवारी जति व्यवस्थित हुँदै जान सक्यो उति छिटो सिस्टम व्यवस्थित हुँदै जाने तर्क खनालले गरे ।
अनलाइन टिकट लिन सबै वाणिज्य बैैंकको एप, इसेवा वालेट र बससेवाको वेबसाइट प्रयोग गर्न सकिने व्यवस्था तयार भएको छ ।
प्रविधिको भरपूर प्रयोग गर्दै यात्रुलाई थप सेवा सुविधा दिएर आकर्षित गर्ने प्रयास आफूहरूले गरिरहेको खनालले बताए ।
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...