हास्य अभिनेता एवं मोडल सागर लम्साल ‘बले’ म्युजिक भिडियो सुटिङका लागि अमेरिका उडेका छन् । 

मंगलवार बिहान नेपाल छाडेका उनी अबको ६ दिन अमेरिकामा रहनेछन् । 

उनले सामाजिक सञ्जालमा तस्वीर पोस्ट गर्दै २ वटा म्युजिक भिडियो सुटिङका लागि आफू अमेरिका प्रस्थान गरेको जानकारी दिएका छन् । 

दुवै भिडियो उनकै कम्पनी ‘बले ईन्टरटेन्मेन्ट’बाट निर्माण हुन लागेका हुन् । उनी हास्य टेलिश्रृङ्खलामा अभिनयका साथसाथै म्युजिक भिडियोमा पनि चलेका मोडल हुन् । 

भिडियोमा अभिनयसँगै उनले निर्माणमा समेत सक्रियता बढाउँदै लगेका छन् । केही फरक स्वाद र बेग्लै लोकेशन पस्किने उद्देश्यका साथ अमेरिकामा भिडियोको सुटिङ गर्न लागिएको सागरले जनाएका छन् । 

दुवै भिडियो दिलासा बस्नेतको निर्माण तथा शिशिर खातीको निर्देशनमा बन्न लागेका हुन् । 

सागर पछिल्लो समय फिल्म निर्माणको समेत तयारीमा छन् ।