अमेरिकाका पूर्व राष्ट्रपति डोनाल्ड ट्रम्पले डेमोक्र्याट नेता जो बाइडेन दोस्रो कार्यकालका लागि ‘धेरै बूढो’ नभएको बताएका छन् । 

सन् २०२४ को चुनावअघि राष्ट्रपति जो बाइडेन ८२ र ट्रम्प स्वयं ७८ वर्षका छन् । राष्ट्रपतिका सम्भावित उम्मेदवारबारे एनबीसीको ‘मीट द प्रेस’लाई दिएको अन्तर्वार्तामा पूर्व राष्ट्रपति ट्रम्पले ‘समस्या उमेरको नभई क्षमता’को रहेको टिप्पणी गरेका छन्।

सर्वेक्षणले देखाएअनुसार दुई नेताबीचको उमेरको अन्तर सानो भए पनि अमेरिकीहरू बाइडेनको उमेरको बारेमा बढी चिन्तित छन्, एक सर्वेक्षणले सहभागी चारमध्ये तीन जनाले बाइडेनको दोस्रो कार्यकाल टिक्न सक्ने क्षमतामा शङ्का गरेको देखाएको छ ।

ट्रम्पले दोस्रो सबैभन्दा वृद्ध राष्ट्रपतिको रूपमा आफ्नो कार्यकाल समाप्त गरेका थिए । अमेरिकी इतिहासमा सफल राष्ट्रपति रोनाल्ड रेगन आफ्नो कार्यकालको अन्त्यमा ७७ वर्षको थिए । तथापि, बाइडेनलाई काम गर्न धेरै ‘थकित’ पात्रको रूपमा ट्रम्पले चित्रित गरे। 

उनले एनबीसीसँग भने, “विश्वका केही महान् नेता ८० वर्ष नाघेका छन् म ८० वर्षको हाराहारीमा पुग्दैछु ।” 

ट्रम्पले भने, “बाइडेन धेरै बूढो भइसकेका छैनन् । तर मलाई लाग्छ कि उनी ‘अक्षम’ छन्, र यो एक ठूलो समस्या हो ।”