​​रामेछापको सुनापति गाउँपालिकाले आगामी बिहीवार सार्वजनिक बिदा दिएको छ ।​​​​

गाउँपालिकाका प्रमुख प्रशासकीय अधिकृत देवेन्द्र सुवेदीले मंगलवार एक सूचना जारी गर्दै बिहीवार प्रधानमन्त्री पुष्षकमल दाहल ‘प्रचण्ड’ आउने भएकाले सार्वजनिक बिदा दिने निर्णय गरिएको जानकारी दिएका हुन् ।

‘...गाउँपालिकाको नवनिर्मित प्रमुख प्रशासकीय भवनको मिति २०८० साल पुस १९ गते सम्माननीय प्रधानमन्त्री पुष्षकमल दाहाल ‘प्रचण्ड’ज्यूबाट समुद्‌घाटन हुने भएकोले भवन समुद्‌घाटनको अवसरमा मिति २०८०/०९/१९ गते बिहीवारका दिन गाउँपालिकाअन्तर्गतका सम्पूर्ण सरकारी कार्यालय, सार्वजनिक संघ संस्था, शिक्षण संस्था, लगायत गाउँपालिका क्षेत्रभित्रका बैंक, वित्तीय संस्थाहरूमा स्थानीय सार्वजनिक बिदा दिने निर्णय भएकोले सम्बन्धित सबैको जानकारीका लागि यो सूचना प्रकाशन गरिएको छ’, जारी सूचनामा भनिएको छ ।