मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
विराटनगर | माघ २०, २०८०
मोरङमा पूर्व–पश्चिम राजमार्गसँगै जोडिएको छ सिर्जना सामुदायिक वन । सोही सामुदायिक वनमा केही वर्षअघि विभिन्न देशका कलाकार ल्याएर सिर्जना अन्तर्राष्ट्रिय मूर्तिकला कार्यशाला गरिएको थियो । जहाँ नेपालसहित भारत, बंगलादेश, जापान, जर्मनी र इटालीका मूर्तिकारले मूर्ति बनाएका थिए । ती कलाकारले बनाएका मूर्तिहरू अहिले पनि त्यहाँ छँदैछन् । जहाँ विभिन्न जनावरका मूर्ति बनाइएका थिए । ती मूर्तिहरू संरक्षण अभावमा अलपत्र बनिरहेका छन् । पहिले ती मूर्ति हेर्न पर्यटकको घुइँचोसमेत लाग्ने गरेको थियो । तर पछिल्लो समय अवस्था फेरिएको छ । ती मूर्ति झाडीमा छोपिएकाले त्यहाँ पर्यटक घुम्न आउनै छाडेका हुन् ।
उल्लेखित प्रशंग ल्याउनुको कारण, त्यो कार्याशालामा बेलबारीका मूर्तिकारहरू गणेश लामा आँशु, शिव छान्छा राई र बालकुमार तामाङलाई भने सहभागी गराइएको थिएन । तर, तिनै तीन कलाकारले नेपाल कम्युनिस्ट पार्टीका संस्थापक पुष्पलाल श्रेष्ठ, नेकपा (एमाले)का तत्कालीन अध्यक्षसमेत रहेका प्रथम कम्युनिस्ट प्रधानमन्त्री मनमोहन अधिकारी र लोकप्रिय नेता मदन भण्डारीका सालिक निर्माण गरेर वाहवाही कमाएका छन् ।
एमाले जिल्ला कमिटी, मोरङले यी मूर्ति बनाउन लगाएको हो । पार्टीको जिल्ला कार्यालयको प्राङ्गणमा राख्नलाई एमालेले पुष्पलाल, मनमोहन र मदनका नयाँ मूर्ति बनाइएको हो ।
यसरी बने मूर्ति
मोरङकै लक्ष्मीमार्गमा ४५ दिनअघि तीनजना कलाकारले बडेमानको ढुंगामा आकृति कोर्न थाले । बेलबारीका गणेश लामा आँशु, शिव छान्छा राई र बालकुमार तामाङले आकृति कोरेका हुन् । मूर्ति कोर्दै गर्दा पर्यटकहरूमा खासै उत्साह थपिएन । कसैले पनि सकारात्मक सोधीखोजी गरेनन् । बरु उल्टै ‘कहाँबाट पैसा ल्याएर पचाउने काममा लागेको ?’ जस्ता आरोपसहितका प्रश्नको सामना गर्नुपरेको कलाकारहरूको गुनासो छ ।
सिंगो ढुंगालाई कुँदेर आकृति बनाउने काम चुनौतीपूर्ण रहेको मूर्तिकारहरूको अनुभव छ । तर मोरङका यी तीन मूर्तिकार पहिलो प्रयासमै सफल बनेका छन् । मार्बल ग्रेनाइटका मात्रै मूर्ति बनाएका यी कलाकारले ४५ दिन लामो प्रयासमा एउटै ढुंगामा तीनजना चर्चित नेताको मूर्ति कुँदेका हुन् । पहिले बेवास्ता भए पनि अहिले भने मूर्ति हेर्ने भीड लाग्ने गरेको छ ।
‘अहिले भने मूर्ति हेर्नेको भीड लाग्ने गरेको छ । गैरकम्युनिस्टले पनि उनीहरूको कलाको सम्मान गर्न थालेका छन्,’ मूर्तिकार गणेशले भने । गणेश, शिव र बालकुमारले ढुंगाको मूर्ति भने पहिलो पटक बनाएका हुन् । फाइबर र माटोबाट भने धेरै मूर्ति बनाइसकेको उनीहरूले बताए । ठूलो ढुंगा भएकाले धेरै समय लागेको उनीहरूको भनाइ छ । उनीहरूले बनाएको सालिकको हाइट भने ३५ इन्चको रहेको छ । मानिसको अनुहारको आठदेखि नौ इन्चसम्मको हुन्छ । लाम्चो अनुहार हुनेको साढे नौ इन्चको हुने गर्छ । तर उनीहरूले अनुहार नै १२ इन्चको बनाएका छन् । चुरेपहाडको फेदीमा पर्ने लेटाङको फडानीस्थित चिस्याङ खोलाबाट ढुंगा ल्याएर मूर्ति बनाइएको हो । मूर्ति बनाउँदा तीनवटा ग्रेडर मेसिन बिग्रिएको गणेशले बताए । ढुंगा कडा भएकाले ग्रेनाइट काट्ने चक्का बिग्रिएको उनको भनाइ छ । तीन नेताको मूर्ति बनाएको पारिश्रमिक साढे ४ लाख जति हुने उनीहरूले बताएका छन् ।
नेपालमै कलाकार भए पनि अपेक्षा गर्ने गरिएको उनीहरूले गुनासो गरेका छन् । ‘बाह्य देशका कलाकार खोज्ने चलन अहिले पनि छ, ’गणेशले भने ‘ नेपालमै पनि सीप भएका कलाकार छन् । तर तिनीहरूलाई उपेक्षा गर्ने गरिन्छ ।’
भारतलगायत अन्य देशबाट आउने सालिकहरू कमजोर हुने गरेको उनीहरूले बताए । बाह्य देशबाट आउने ग्रेनाइट अथवा ह्वाइट मार्बलको सालिक कमजोर हुने उनीहरूको भनाइ छ । ‘ह्वाइट मार्बललाई केमिकलमा राखेपछि कमलो हुन्छ,’ गणेशले भने ‘अनि काट्न सजिलो हुन्छ । फेरिपछि केमिकल मै राखेर साह्रो बनाएर पठाउने गरिन्छ ।’ केमिकल भएका कारणले सालिकहरू नटिक्ने गरेको उनीहरूले बताएका छन् । यहीको नेचुरल ढुङ्गा भएकाले मजाले टिक्ने उनले बताए ।
ढुङ्गामा आकृति बनाउन भने धेरै समय लाग्ने कलाकारहरू बताउँछन् । मूर्ति तथा सालिक बनाउँदा एनाटोनिलाई फ्लो गर्नु पर्ने भएकाले ढुङ्गामा धेरै मेहनत गर्नुपर्ने उनीहरू बताउँछन् । आँखा, गाला, मुख, कान लगायतका अनुहारको भागको फ्लो गर्नुपर्ने उनीहरूले बताएका छन् ।
लार्जेस्ट साइजमा काम गर्दा अलमलमा पर्ने गरेको गणेशले बताए । कलाकारहरूले ९० प्रतिशत काम गर्न सक्दा ढुङ्गामा सय प्रतिशत नै सम्झने गर्छन् । माटो तथा मार्बलमा भने सय प्रतिशत नै बनाउने उनीहरू बताउँछन् । पूर्वका धेरै मूर्तिकारले पहिलो पटक प्रयासमै पास भएको भनेपछि थप हौसला मिलेको उनीहरू बताएका छन् । एउटै ढुङ्गामा कुदिएका तीन नेताका मूर्तिहरू विराटनगर ल्याउने तयारी भइरहेको एमालेले जनाएको छ ।
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...