​ग्लोबल आईएमई बैंक लिमिटेडले पशुपति बहुमुखी क्याम्पसमा नयाँ एक्स्टेन्सन काउन्टर सञ्चालनमा ल्याएको छ ।​

सेवाग्राहीको बढ्दो चाप र आवश्यकतालाई मध्यनजर गर्दै काठमाडौं महानगरपालिका वडा नम्बर ७ चाबहिल, मित्रपार्कस्थित क्याम्पसमा नयाँ एक्स्टेन्सन काउन्टर सञ्चालनमा ल्याइएको बैंकले जनाएको छ ।

यो काउन्टर सञ्चालनमा आएसँगै बैंकका एक्स्टेन्सन तथा राजश्व संकलन काउन्टरहरूको संख्या ६५ पुगेको छ ।

नयाँ एक्स्टेन्सन काउन्टरबाट निक्षेप सङ्कलन, नगद भुक्तानी, मोबाइल तथा अनलाइन बैंकिङ्ग सेवा, रेमिट्यान्सलगायत साधारण बैंकिङ्ग सेवाहरू उपलब्ध हुनेछन् ।

ग्लोबल आईएमई बैंक मुलुकका सतहत्तरै जिल्लामा शाखा सञ्जाल रहेको निजी क्षेत्रको पहिलो वाणिज्य बैंक हो ।

बैंकले ३५५ शाखा कार्यालय, ३७८ एटीएम, २७५ शाखा रहित बैंकिङ्ग सेवा, ६५ एक्स्टेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालय समेत गरी १,१०० भन्दा बढी सेवा केन्द्र छन् । 

‘सबैका लागि बैंक’ भन्ने नाराका साथ बैंकले ४६ लाखभन्दा बढी ग्राहकहरू माझ सेवा प्रदान गर्दै आइरहेको छ ।