शनिबार राति  सुर्खेतको वीरेन्द्रनगर १ को गैरी चोकमा नेपाल तरुण दलका जिल्ला सदस्य विनोद गिरीलाई गोली प्रहार घटनामा संलग्न भएको आरोपमा पक्राउ परेकाहरुलाई आइतबार जिल्ला प्रहरी कार्यालय सुर्खेतले पत्रकार सम्मेलन गरेर सार्वजनिक गरेको छ। 

प्रहरीले कैलालीको गौरीगंगा नगरपालिका २ का १८ वर्षीय ईन्द्र बिक, १८ वर्षीय भरत भुल, वीरेन्द्रनगर ४ का ३७ वर्षीय राजन गिरी र भारत उत्तर प्रदेश बिजनौर जिल्ला दादानगरगञ्ज जोसिपनका मोहल्लाका १९ वर्षीय रोहित राजपुत पक्राउ गरि सार्वजनिक गरेको हो ।
 प्रहरीले घटनामा संलग्न अन्यलाई खोजी गरिरहेको जनाएको छ ।