​​नेपालको सबैभन्दा बढी लोकप्रिय पेय पदार्थ कोका–कोलाले उपभोक्ताहरूको लागि फेरि अर्को विशेष क्याम्पेन लिएर आएको छ ।

घरमा खाना खाँदाको क्षणहरू विशेष र अविश्मरणीय बनाउन नेपालमा कोका–कोलाले २.२५ र १.५ लिटर प्याक साइजको कोका–कोला, स्प्राइट र फ्यान्टाको खरिदमा २५० मिलिलिटरको कोका–कोला निःशुल्क प्रदान गर्ने भएको हो ।

यो प्रमोसनल अफर कोक एण्ड मिल्स क्याम्पेनको एक हिस्सा हो जुन धेरै वर्ष देखि निरन्तर चल्दै आइरहेको छ ।

कोका–कोलाको साथले साधारण खाना खाँदाको क्षणलाई पनि एक रमाइलो पलमा परिणत गर्ने यस अफरको लक्ष्य रहेको कम्पनीले जनाएको छ ।

कोका–कोला नेपालकी कन्ट्री डाइरेक्टर चन्द्रिका कालियाले उपभोक्ताहरूको लागि रमाइलो पल सिर्जना गर्न प्रतिबद्ध रहेको बताइन् । ‘यो विशेष अफरले हाम्रा उपभोक्ताहरूको साधारण खाना खाने समयलाई पनि अविश्मरणीय बनाउन मद्दत पुर्‍याउनेछ भन्ने हामीलाई  विश्वास छ’, उनले भनिन् ।

अफरले कोका–कोलाको विश्वव्यापी ‘कोक एण्ड मिल्स’ क्याम्पेनलाई थप बढावा दिएको छ । कोका–कोलाले सधैं उपभोक्तासँगको सम्बन्ध बलियो बनाउनका लागि नयाँ–नयाँ  क्याम्पेनहरू ल्याउँदै आइरहेको छ ।

उपभोक्ताहरूले कोका–कोला, फ्यान्टा र स्प्राइटको साथ खानाको आनन्द लिने कम्पनीको विश्वास छ ।

यो अफर सीमित अवधिको लागि मात्र उपलब्ध रहेको कम्पनीले जनाएको छ ।