अण्डर सिक्सटिन महिला साफ च्याम्पियनशिपमा आज नेपालले भारतको सामना गर्दैछ।  फाइनल पुग्न निकै महत्त्वपूर्ण मानिएको खेल दिउँसो ३ बजे एन्फा कम्प्लेक्स सातदोबाटो मैदानमा हुनेछ। 

फाइनल प्रवेशका लागि दुवै टोलीलाई आजको खेल जित्नैपर्ने बाध्यता छ । बंगलादेश लगातार दुई खेल जित्दै फाइनलमा पुगिसकेको छ । 

३ अङ्क भएको भारत दोस्रो स्थानमा र समान अङ्क भएको नेपाल गोल अन्तरका आधारमा तेस्रो स्थानमा छ। दुवै खेल हारेको भुटान अङ्कविहीन हुँदै बाहिरिसकेको छ। फाइनल खेल आगामी आइतवार हुनेछ ।