वीरगञ्ज महानगरपालिकाका प्रमुख (मेयर) राजेशमान सिंहविरुद्ध सरकारी कागजात कीर्ते गरेको अभियोगमा जिल्ला प्रहरी कार्यालय, पर्सामा जाहेरी दर्ता भएको छ ।

उनीसहित तीनजनाविरुद्ध फौजदारी अभियोगमा बिहीवार मुद्दा दर्ता भएको हो ।

झुटा विवरण पेश गरी एक किशोरीलाई वंशजको नागरिकता दिलाएको आरोपमा उनीविरुद्ध मुद्दा परेको छ ।

लियाकत अलीले मुद्दा हालेका हुन् । आफूले करिब डेढ महिनाअघि नै दिएको जाहेरी बिहीवार मात्र दर्ता गरिएको अलीले लोकान्तरलाई बताए ।

वीरगञ्ज वडा नम्बर–३ बाट २०७१ कात्तिक २० गते जन्म दर्ता बनाई रुविना श्रेष्ठको नागरिकता बनाएको भन्दै मेयर सिंहमाथि उजुरी परेको थियो । सिंहले रुविना श्रेष्ठलाई आफ्नै छोरी भनेर नागरिकता दिलाएका थिए ।

यो घटना बाहिर आएपछि मेयर सिंहले रुविना आफ्नी छोरी नै भएको दाबी गरेका थिए । तर फेरि पछि उनको यो घटनाबाट जोगिन अर्कै कीर्ते कागज बनाएको निवेदक अलीको भनाइ छ ।

‘मेयर सिंहले पटक–पटक कीर्ते गरेको पाइएको छ । तर प्रहरीले उजुरी लिन मानेको थिएन । यसका विरुद्ध हामीले विरोध र्‍याली​देखि मसाल जुलुससम्म गर्यौ, तर सुनुवाइ भएन,’ उनले लोकान्तरसँग भने, ‘उजुरी दिएको लगभग डेढ महिनापछि बिहीवार जाहेरी दर्ता भएको छ ।’

सिंह जनता समाजवादी पार्टी (जसपा)को उम्मेदवार भएर नेपाली कांग्रेस र नेकपा (माओवादी केन्द्र)सहितको तत्कालीन गठबन्धनबाट मेयरमा विजयी भएका थिए ।  

यस्तो छ अलीको उजुरीः