महेश थुलुङद्वारा गाइएको एक दशकअघिको चर्चित गीत  ‘आकाशैमा चिल हो कि बेसारा’को फिमेल भर्सन गायिका बबिना किरातीको स्वरमा सार्वजनिक गरिएको छ । 

भुवन थुलुङको शब्द तथा संगीत रहेको यस पूर्वेली गीतको एरेन्ज रिकेश गुरुङले गरेका छन् । किङ स्टुडियो र स्टुडियो २१ मा रेकर्ड भएको यस गीतमा मिक्सिङ र मास्टररिङ राजु कार्कीको छ । 

पूर्वका रमणीय ठाउँहरूमा छायांकन गरिएको यस गीतको भिडियोको निर्देशन राजेश पुमा राईले गरेका हुन् भने गायिका किराती, सम्राट अधिकारी, अनिस मगर, सृष्टि सुब्बा, रश्मि आले मगर लगायत कलाकारलाई भिडियोमा फिचरिङ गरिएको छ । 

इसाक जबेगुले खिचेको भिडियोको सम्पादन विकास दाहालले गरेका हुन् । यसअघि किरातीको ‘चरी भए’, ओइ भन्यो मायाले’, ‘चाइनाको रेल’ ‘बेचिदिन्थे यो जवानी’ लगायत गीत हिट छन् । 

‘आकाशैमा चिल हो कि बेसारा’को फिमेल भर्सन ‘बबिना राई किराती’ युट्युब च्यानलमा हेर्न सकिन्छ ।

भिडियो :