जिल्ला प्रहरी कार्यालय सर्लाहीले एकै दिन २०२ जना फरार प्रतिवादीलाई पक्राउ गरेको छ ।

साथै उनीहरूलाई सर्लाही जिल्ला अदालतमा बुझाएको प्रहरीले जनाएको छ ।

सर्लाही जिल्ला अन्तर्गतबाट अदालतमा बुझाइएका प्रतिवादीमध्ये कुटपिट, जुवा, जालसाजी, डाँका तथा चोरी, जबरजस्ती करणी र भ्रष्टाचारलगायतका रहेका छन् ।​

उनीहरूलाई जिल्ला प्रहरी कार्यालय सर्लाही लगायतका स्थानबाट खटिएको प्रहरी टोलीले शुक्रवार पक्राउ गरी जिल्ला अदालत मलंगवा सर्लाहीमा बुझाएको हो ।

पक्राउ परेकाहरूबाट ५ दिनदेखि ३ वर्ष ६ महिनासम्म कैद र १०० रुपैयाँदेखि ३ लाख ६३ हजार रुपैयाँ जरिवाना असुलउपर हुन बाँकी छ ।