शिक्षण पेशाबाट राजनीतिमा हाम फालेका प्रतिनिधि सभाका पूर्व सभामुख तथा नेपाल कम्युनिस्ट पार्टी (माओवादी केन्द्र) का उपाध्यक्ष कृष्णबहादुर महरा राजनीतिक रूपमा थला परेका छन् । 

नेपाल समाचारपत्र लेख्छ- चिनियाँसँग ५० करोड रुपियाँ बार्गेनिङ गरेको अडियो प्रकरण, संसद् सचिवालयकी महिला कर्मचारी रोशनी काण्ड र अवैध सुन तस्करी प्रकरणमा फसेका पूर्वगृहमन्त्रीसमेत रहेका महरा राजनीतिक रूपमा थलिन पुगेका  हुन् । 

महराविद्युतीय चुरोट (भेप) मा लुकाएर ल्याइएको ९ किलो सुन तस्करीको पुनः अनुसन्धान गर्न अवैध सुन तस्करीसम्बन्धी जाँचबुझ आयोगको प्रतिवेदनका आधारमा सोमबार पक्राउ परेका थिए ।