भारत, पाकिस्तान र बङ्गलादेशको हावाको गुणस्तर विश्वमै सबैभन्दा खराब रहेको पाइएको छ । विश्वभरको हावाको गुणस्तर मापन गर्ने स्वीस एयर क्वालिटी टेक्नोलोजी कम्पनी आईक्यू एयरको २०२३ को प्रतिवेदन अनुसार बङ्गलादेशको हावा सबैभन्दा खराब छ ।

दोस्रोमा पाकिस्तानको हावा र तेस्रो स्थानमा भारतको हावाको गुणस्तर खराब रहेको प्रतिवेदनमा उल्लेख छ । प्रतिवेदनअनुसार दिल्ली लगातार चौथो पटक विश्वको सबैभन्दा प्रदूषित राजधानी मानिएको बीबीसी हिन्दीले जनाएको छ । 

प्रतिवेदनअनुसार विश्वका सात देशको हावाले मात्र विश्व स्वास्थ्य सङ्गठनको मापदण्ड पूरा गरेको छ । अष्ट्रेलिया, इस्टोनिया, फिनल्याण्ड, ग्रेनाडा, आइसल्याण्ड, मौरिसस र न्यूजिल्याण्डका हावा सुरक्षित रहेको छ ।