पोल्याण्डका प्रधानमन्त्री डोनाल्ड टस्कले युरोप ‘युद्धपूर्वको अवधि’मा रहेको बताएका छन् । उनले युक्रेनलाई रुससँग हार्ने अनुमति दिन नहुने बताए । यो सम्पूर्ण युरोपको लागि राम्रो नहुने उनको भनाइ छ । 

उनले युद्ध अब विगतको कुरा नरहेको बताए । युद्ध वास्तविकतामा रहेको यो दुई वर्ष पहिले सुरु भइसकेको उनको भनाइ रहेको बीबीसीले जनाएको छ । 

यद्यपि रुसी राष्ट्रपति भ्लादिमिर पुटिनले आफ्नो देशले नेटोमाथि आक्रमण गर्ने मनसाय नरहेको बताएका छन् । यद्यपी पुटिनले युक्रेनले आफूविरुद्ध एफ–१९ लडाकु विमान प्रयोग गरे उनीहरू जहाँ भए पनि निशाना बनाइने चेतावनी दिएका थिए ।