तनहुँमा १७ वर्षीया किशोरीलाई बलात्कार गरेको आरोपमा १ जना पक्राउ परेका छन् ।

पक्राउ पर्नेमा ब्यास नगरपालिका १० डिगाउँ बस्ने लमजुङ मध्यनेपाल नगरपालिका १ जितबेसी घर भएका ३० वर्षीय रघु विक छन् । 

उनलाई शुक्रवार दिउँसो पक्राउ गरिएको प्रहरीले जनाएको छ ।​

विकले ती किशोरीलाई ब्यास नगरपालिका ४ स्थित होटलमा लगेर गत सोमवार बलात्कार गरेको उजुरी प्रहरीमा परेको थियो। 

सोही उजुरीका आधारमा जिल्ला प्रहरी कार्यालय तनहुँबाट खटिएको प्रहरीले उनलाई पक्राउ गरेको हो । थप अनुसन्धान भइरहेको प्रहरीले जनाएको छ ।