नेपाली बजारमा सुनको मूल्यले नयाँ रेकर्ड कायम गरेको छ ।

लगातार उकालो लाग्दै आएको सुनको मूल्य आज पनि बढेर नयाँ रेकर्ड कायम भएको हो ।

नेपाल सुनचाँदी व्यवसायी महासङ्घका अनुसार मङ्गलवार प्रतितोला १ लाख ३१ हजार २ सय रुपैयाँमा कारोबार भएको छापावाला सुन आज प्रतितोला १ हजार ८ सयले बढेर १ लाख ३३ हजार रुपैयाँमा कारोबार भइरहेको छ । यो अहिलेसम्मकै उच्च हो ।

यस्तै, तेजावी सुन तोलामा मङ्गलवार प्रतितोला १ लाख ३० हजार ५ सय रुपैयाँमा कारोबार भएकामा आजका लागि भने १ लाख ३२ हजार ३ सय ५० रुपैयाँ निर्धारण भएको छ । 

चाँदीको मूल्य पनि उकालो लागेको छ ।

मङ्गलवार प्रतितोला १ हजार ५ सय ४५ रुपैयाँमा कारोबार भएको चाँदी आजका लागि भने ६५ रुपैयाँले बढेर १ हजार ६ सय १० रुपैयाँ मूल्य निर्धारण भएको छ ।