कारागारका थुनुवालाई छुटाउने भन्दै ठगेको आरोपमा प्रहरीले एक जनालाई पक्राउ गरेको छ । पक्राउ पर्नेमा धादिङको सिद्धलेक गाउँपालिका घर भएर कपन बस्ने शिशिर कुमार भट्ट छन् ।

३७ वर्षीय भट्टलाई काठमाडौंको माइतीघरबाट पक्राउ गरिएको प्रहरीले जनाएको छ । बैंकिङ कसुर र वैदेशिक रोजगार मुद्दामा उच्च अदालतको आदेशले डिल्लीबजारमा रहेका अभियुक्तलाई छुटाउँछु भनेर भट्टले ९ लाख ८० हजार ठगी गरेको प्रहरीको भनाइ छ ।

प्रहरीले यसबारे थप अनुसन्धान भइरहेको जनाएको छ ।