आलुको व्यवसायिक खेतीका लागि उर्वर हेमजामा बर्सेनि हुँदै आएको आलु महोत्सव यसपटक आइतबारदेखि सुरु हुँदैछ । १२औं संस्करणको महोत्सवमा ८० टन आलुको कारोबार हुने अनुमान आयोजक विष्णुपादुका क्लवले जनाएको छ । 

महोत्सवको उद्घाटन पोखरा महानगरपालिकाका प्रमुख धनराज आचार्यले गर्ने कार्यक्रम छ । उक्त अवसरमा क्लबको बहुउद्देश्यीय भवन पनि शिलान्यास गरिने छ । कार्यक्रम उद्घाटनअघि हेमजाको माईस्थानबाट शोभायात्रासहित झाँकी ¥याली प्रदर्शन गरिनेछ । 

मेलामा प्रतिकिलो ४० रुपैयाँमा आलुको कारोबार गरिने महोत्सव मुल आयोजक समितिका संयोजक सुबिन श्रेष्ठले बताए । 
महोत्सव सम्पन्न गर्न करिब ४८ लाख १० हजार खर्च लाग्ने र ४९ लाख ४० हजार आम्दानी हुने अनुमान क्लवको छ ।

हेमजाको कुल १२ हजार ५ सय हेक्टरमध्ये ५ सय ९० हेक्टरमा आलु खेती गरिँदै आएको छ । जसअन्तर्गत त्यहाँका ५ सय ४० घरपरिवार व्यावसायिक आलुखेतीमा आबद्ध छन् ।